Հարգելի´ ընթերցող,
Մենք արդեն մեկ տարեկան ենք, ինչի առթիվ շնորհավորում ենք մեզ բոլորիս:
Սիրով հրավիրում ենք Ձեզ ընթերցելու հանդեսի չորրորդ` գարնանային համարը, որը հիմնականում նվիրված է կանանց: Հանդեսի այս համարում կարող եք գտնել հետաքրքիր հոդվածներ Կանանց Միջազգային Օրվա` Մարտի 8-ի պատմության, կանանց իրավունքներին և առողջությանը վերաբերող խնդիրների, կանանց հիմնահարցերով զբաղվող կազմակերպությունների, նրանց կողմից իրականացված ծրագրերի և միջոցառումների, մշակույթում ներգրավված կանանց մասին:
«Գենդեր» բաժնում կարող եք գտնել հետաքրքիր սոցիոլոգիական հետազոտությունների մասին պատմող հոդվածներ, որոնք ներկայացնում են, թե ինչպես են հայ կանայք արժևորում սեփական դրամը, և թե ինչու տղաները չեն դիմում Վ. Բրյուսովի անվան Պետական Լեզվաբանական Համալսարան:
«Մարդու իրավունքներ» բաժնում Լռության Օրվա պատմությունն է` օր, երբ աշխարհում մարդիկ պայքարում են կրթական հաստատությունները առավել ապահով դարձնելու համար` կանխարգելելու մարդու արժանապատվությունը նվաստացնող վերաբերմունքը, ծաղրանքներն ու վիրավորանքը:
Ամսագրի այս համարի հերոսը Թրանսփարենսի Ինթերնեյշնլ կազմակերպության հայաստանյան մասնաճյուղի հիմնադիր Ամալյա Կոստանյանն է, որի մասին իրենց հիշողություններն են կիսել իր կոլեգաները և ընկերները:
«Ինչպես դու» ամսագրի անձնակազմը սիրով շնորհավորում է բոլոր կանանց` Կանանց իրավունքների միջազգային օրվա և կանանց մեկամսյակի կապակցությամբ` մաղթելով կանանց դերակատարության բարձրացում կառավարման և հասարակության կենսագործունեության բոլոր ոլորտներում:
Մաղթում ենք Ձեզ հաճելի ընթերցում
Մեկնաբանություններ